Каталог статей

Татарстан Россия мәктәп олимпиадасы хәрәкәте лидерларының берсе - ТР мәгариф һәм фән министры урынбасары

Thu, 21 Jan 2016 18:46:23 GMT

Татарстан ике ел дәвамында укучылар арасында Бөтенроссия олимпиадалары җиңчеләре һәм призерлары саны буенча лидер санала. Бу хакта "Татар-информ" агентлыгында узган матбугат конференциясендә ТР мәгариф һәм фән министры урынбасары Илдар Мөхәммәтов хәбәр итте.

"Безнең өчен сәләтле балалар һәм яшьләрне ачыклау буенча эшләр, олимпиада хәрәкәте республика белем бирү сәясәтенең иң өстенлекле юнәлешләренең берсе санала", - дип билгеләп үтте ведомство вәкиле.

Дөнья яшьләре татар теле һәм әдәбиятыннан халыкара олимпиадада катнашырга чакырыла

Mon, 24 Sep 2012 18:41:34 GMT

РФ субъектларында, шулай ук чит илләрдә, татар теле һәм әдәбиятын, татар мәдәниятен саклау һәм үстерүгә булышу өчен өстәмә шартлар тудыру максатыннан, татар теле һәм әдәбияты буенча халыкара олимпиада үткәрелә. Ул ТРның 2004-2013 елларга Татарстан Республикасы дәүләт телләрен һәм Татарстан Республикасындагы башка телләрне саклау, өйрәнү һәм үстерү буенча дәүләт программасы кысаларында уздырыла.

КФУның кече Филология һәм сәнгать институтында “Филологиядә мәгълүмати технологияләр мәктәбе” оештырыла

Mon, 24 Sep 2012 18:33:55 GMT

Казан федераль университетыннан алынган хәбәргә караганда, яңа 2012-2013 уку елында компьютер лингвистикасы факультеты үзенең эш формасын үзгәртәчәк. Лингвистика, әдәбият белеме, сәнгать һәм дизайн өлкәсендә мәгълүмати технологияләрне тирәнтен өйрәнү максатыннан, кече Филология һәм сәнгать институтының тиешле факультетларында мәгълүмати технологияләр буенча махсус дәресләр һәм секцияләр оештырылачак. Бу киләсе елдан студентларны "зур” Филология һәм сәнгать институтының барлык әзерлек юнәлешләре (рус, татар, чит телләр, тәрҗемәчелек эше һәм мәдәниара аралашу, сәнгать һәм дизайн) буенча мәгълүмати технологияләрне өйрәнүче төркемнәргә кабул итү башлану белән аңлатыла.
Кече Филология һәм сәнгать институтында мәгълүмати технологияләрне тирәнтен өйрәнүне оештыру максатыннан, институт җитәкчелеге "Филологиядә мәгълүмати технологияләр мәктәбен” оештыру турында карар кабул иткән.

III Бөтендөнья "Белем җәүһәрләре" интернет-проектлар бәйгесенә гаризалар кабул итү төгәлләнде

Mon, 17 Sep 2012 16:54:59 GMT

"Белем җәүһәрләре" бәйгесен ел дәвамында күзәтеп барган хөрмәтле сайт авторлары һәм сайт кунаклары! Менә III Бөтендөнья "Белем җәүһәрләре" интернет-проектлар бәйгесенә гаризалар кабул итү дә төгәлләнде. Якындагы ике атна дәвамында бәйгегә кабул ителгән эшләр белән Жюри әгъзалары танышып чыгачак. Алар Интернет-проектлар белән танышачаклар, сайтларның эчтәлегенә, техник яктан камиллегенә һәм дизайнына үз бәяләрен бирәчәкләр. Зур темплар белән булмаса да, елдан ел бәйгедә катнашучы сайтлар саны арта бара. Быел бәйгедә катнашырга теләк белдереп 53 гариза килде, алар арасыннан 49 интернет-проект бәйгегә кабул ителде. Бәйгегә кабул ителгән Интернет-проектлар белән сез Катнашучылар битенә кереп таныша аласыз.

“Мәктәпкә җыенырга булыш!” акциясе якынлаша

Sun, 29 Jul 2012 12:40:26 GMT

Татарстанда ел саен үткәрелә торган "Мәктәпкә җыенырга булыш!” хәйрия акциясен быел да киң колач җәеп оештырырга җыеналар. Традиция буенча әлеге проект 1-25 август көннәрендә Түбән Камада да узачак. Узган ел Түбән Кама муниципаль районында укырга керүче 269 балага 1 миллион сумлык һәм 2-11 сыйныфларга баручы 314 укучыга ярдәм күрсәтелгән иде. 2007-2011 елларда тулаем Татарстан буенча алганда, беренче тапкыр мәктәпкә баручы 85 730 сабыйга ярдәм күрсәтелде. Аз керемле гаиләләрдә тәрбияләнүче беренче сыйныфка баручыларга 63 373 мең сумлык ярдәм күрсәтелгән.

БДИда кабат үзгәрешләр көтелә

Sun, 29 Jul 2012 12:38:12 GMT

Россия Мәгариф һәм фән министрлыгы хәбәр иткәнчә, бердәм дәүләт имтиханнарына тагын үзгәрешләр кертеләчәк. Дәүләт сынаулары катлаулыгы ягыннан ике баскычка - базалы һәм профильлегә бүленәчәк. Әлеге эксперимент 2014 елда гамәлгә ашырылыр дип көтелә.

Туфан Миңнуллин вафат булды...

Wed, 02 May 2012 17:08:34 GMT

Бүген 77 яшендә халкыбызның танылган драматургы, прозаигы һәм публицисты, Татарстан Республикасы Дәүләт Советы депутаты, Татарстан Республикасы Дәүләт Советының Мәдәният, фән, мәгариф һәм милли мәсьәләләр комитеты әгъзасы Туфан Габдулла улы Миңнуллин вафат булды.
Аның мәдәният, сәнгать, мәгариф өлкәләренә керткән хезмәте гаять зур. Ул - Татарстан Республикасы Халык язучысы, Станиславский исемендәге Россия дәүләт премиясе, Г. Тукай исемендәге Татарстан Республикасы дәүләт премиясе, М. Җәлил исемендәге Татарстан Республикасы республика премиясе лауреаты, Россиянең һәм Татарстанның атказанган сәнгать эшлеклесе.
Туфан Миңнуллинның туганнарының, якыннарының тирән кайгысын уртаклашабыз.

Фатих Әмирханның иҗади мирасын өйрәнү буенча конференция

Fri, 27 Apr 2012 17:15:38 GMT

Татарстан Республикасы Мәгариф һәм фән министрлыгының 2011-2012 нче уку елы планы нигезендә Казан шәһәре мәгариф идарәсе белән берлектә, 2004-2013 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын тормышка ашыру, республика мәктәпләрендә әдәбият өлкәсендә сәләтле балаларны барлау, укучыларда фәнни эзләнү-тикшеренү күнекмәләре формалаштыру максатында, гомуми белем бирү учреждениеләре укучылары өчен 2012 елның 20 апрелендә Казан шәһәре Яңа Савин районы 170 нче урта гомуми белем бирү мәктәбендә Фатих Әмирханның иҗади мирасын өйрәнү буенча V республикакүләм фәнни-гамәли конференция үткәрелде. Бу чарада минем ике укучым катнашты. Галимханова Илзирә I урынны, Волков Дмитрий II урынны яуладылар. Алар мәгариф һәм фән министрлыгының дипломнары белән бүләкләнде.

Туган җир нәрсәдән башлана? Эссе бәйгесе

Tue, 10 Apr 2012 16:29:03 GMT

Казанский (Приволжский) федеральный университет Кафедра конфликтологии философского факультета Центр медиации, урегулирования конфликтов и профилактики экстремизма НП «Лига медиаторов Поволжья» с 27 февраля по 15 апреля 2012 года проводят Всероссийский конкурс эссе: «Патриотизм глазами детей» среди учащихся 9 - 11 классов На конкурс принимается эссе по теме: «С чего начинается Родина… ». - Понятие «малой Родины». - Патриотизм или национализм? - Кто такие россияне? - Патриотизм, национализм, шовинизм. - Противодействие национальному экстремизму. - Формирование толерантности в молодежной среде. - Гражданские ценности в России XXI века.

Казан шәһәренең Мәскәү районы 17 номерлы татар гимназиясендә язучы Г. Ибраһимовның тууына 125 ел булу уңаеннан фәнни-гамәли конференция

Thu, 15 Mar 2012 16:00:15 GMT

12 нче март көнне Казан шәһәренең Мәскәү районы 17 номерлы татар гимназиясендә татар язучысы, галим, публицист Галимҗан Ибраһимовның тууына 125 ел булу уңаеннан V республикакүләм фәнни- гамәли конференция уздырылды. Конференциядә түбәндәге секцияләрдә чыгышлар тыңланды:
Г.Ибраһимов турындагы эшләр;
Әдәби мирас;
Үсеш тенденцияләре;
Музей педагогикасы һәм тарих секциясе;
Иҗади эшләр һәм инглиз теле секциясе;
Рус филологиясе;
Укытучылар эшләре.
Җиңүчеләр Татарстан республикасы мәгариф һәм фән министрлыгының дипломнары, ә аларны әзерләгән укытучылар министрлыкның рәхмәт хатлары белән бүләкләнделәр.
Безнең мәктәптән дә бу фәнни-гамәли конференциядә укучылар актив катнаштылар. 8а сыйныфы укучысы Галимханова Илзирә (Җитәкче: Якупова Г.З.) III нче урынны яулап, диплом белән бүләкләнде. 7а сыйныфы укучысы Апсалямов Дамирга (Җитәкче: Апсалямова Р.Х.), 10 нчы сыйныф укучысы Фарукшина Ләйсәнгә (Җитәкче: Валиева Ф.Г.) конференциядә катнашканнары өчен министрлыкның таныклыклары тапшырылды.